2009年11月19日星期四

新加坡 vs 香港,誰輸誰贏?

政府前膽性,新加坡會比香港好好多,無得揮.始終新加坡是自主國家,跟香港不同,要睇阿爺面色.

個人來講,香港人比新加玻人醒,坦白新加坡人比香港人純d.(某程度上係金字邊既純.)

香港人係好多外國人睇係比較聰明(但係小聰明多),但講團結,比好多外國人差.(可能香港太"民主".係咪亂叫民主,就自已想一下).

新加坡人比香港人叻的是聽話,所以你若講一些行system,好規律化的業務,新加坡人一定贏.好似機場,貨櫃碼頭,政府效率,基礎建設,教育政策(不是說院校 排名)贏香港.而家外國人prefer新加坡開regional office多過想在香港開,因為講英文又得,普通話(呢度叫華語)又得.

所以在規律化的情況下,香港人冇得玩.新加坡人在某些exceptional case下,即system以外的,係唔識點反應.但係香港人在不是規律化的情況下,會贏.好似開發新產品,新概念,但都是較小規模進行.所以對成個社會 contribution唔大.而香港因為少了前膽性,長遠好危險.

我簡單想想,若比較新加坡跟香港,在某些business上的發展.我只想到新加坡,而想不到香港有什麼優勝地方.如:

新加坡有煉油業,bio-chem生物科技,新加坡航空(全球最佳),下年有2個超大型integrated resort(賭場),regional medial hub(區域醫療,i.e.有錢佬專程去接受治療),regional wealth management(吸引外國富人將資產移至新加坡管理,伊斯蘭銀行業務,再加上面提及機場,貨櫃碼頭,政府效率,基礎建設,教育政策.

香港,可能我離開太耐,真的數不出.

長遠香港若沒有中國作後盾(其實而家當中國,台灣關係改善,香港角色慢慢消失了),長遠總體不樂觀.若不是為了自己個仔不用服兵役及多照顧家人,坦白,我係不會考慮返香港.

其實寫上面,是有點痛心.14年前離開香港時,香港是比新加坡好.最少人工高新加坡3成.而家,香港人工係低於新加坡.

2009年11月12日星期四

無本生意可行嗎?(三)

要開始忙了,因為租約攪掂了.

開始要忙裝修,請人了.

租約拖了又拖.談租都談到口水乾.不過而家租金是非常合理水平.

原本以為最終又泡湯,因為業主是Trustee,問的問題好痳煩,好似連裝修草圖都要.大佬,都未簽約,點俾草圖,問題唔知有冇經大腦.原本給他們deadline是星期二回覆,但最終今日先有消息.

不過算啦,重新搵過又係再浪費時間.

最後,我冇出過一毫子.至於我的investor最後出了多少,開張後再開估.

2012年12月21日世界末日??好驚呀?? (二)

上次提過的電影2012.今日早上自己一個去睇咗.因為老婆同個仔都唔鐘意呢d災難片.上次老婆睇astro boy都覺得暴力,卡通片都唔中意,唔通真係下下月竹睇Disney?

網上看到的故事大綱好似有些出入,以為有個planet x,都無提到.

好似最正的片斷,在Trailer都出現了.無咩特別驚喜.

其實以為果d災難會好似啟示錄咁,話晒末日.點知,只有三樣板斧.
1. 地震
2. 火出爆發
3. 海嘯

End day真的在2012嗎?信仰關係,我不相信.因為bible有講過那日子,沒有人知道.

另外,End day也不怕,相信神及相信聖經所載的話,是有Rapture(被提),不會經歷Great tribulation.
Great tribulation比2012所見到的,可能更加恐怖.

http://en.wikipedia.org/wiki/Tribulation