爛笑話一則-會計師死後

b4會計師錢某,不單精於審計,也精於投資,見近來黃金有升值潛力,就把全副身家賣了,買入大量黃金,準備升值了,將來有更富裕的生活.

一天,因長期 et 趕 job, 在 office 工作至凌晨時份,突然心臟病發,昏了過去.同事因為都在趕 job ,沒有留意到他,以為他小睡片刻而已.當早上 partner 想把他叫醒,催他交job時,發現他只張開口,但沒有了反應,沒有了呼吸,送院時已太遲了.

還好,在他死前已信了主.死後,他來到了天堂的門口,當然,他帶著他的大量黃金同來.想著自己的財富可在天堂裡大花特花,不禁笑了出來.

在門口的大天使加百列歡迎他的到來,看見錢某手裡拿著重甸甸的手提箱和他怪笑的樣子,就好奇地問他手裡拿著的是什麼?並提醒他,到天堂可不用帶任何東西.

但錢某堅持要帶他手提箱進去,大天使加百列在他堅持下唯有答應了,但有一條件,就是最少要看一下有沒有違禁品.錢某答應了.

當打開手提箱後,只聽見大天使加百列笑了笑,奇怪地問:"你帶這些鋪地的磚塊來做什麼??"

而錢某此時又再昏了過去......

------------------------------------------------------------------------------------------------

想問閣下現在所積蓄的是什麼呢?

太太送了新手機,Nokia 5530

之前跟太太說想換一下手機,因為舊的pda電池不太好,跟我賣電池的朋友買了一片 3000mAH 的電池 s$80 (hk$440),還是一天就把電用完.又不好意思退電池給他,算了.

跟太太說想要有wifi, qwerty鍵盤, gps可有可無,因為有一部多餘的藍芽 gps.最好是windows mobile,但若是symbian也無妨.

我太太當然又是懵懵不知我在說什麼.無奈地自己多留意報紙,看有什麼特價品.

最後揀了部 Nokia 5530賣s$399(hk$2200),貪平,也有觸屏(touch screen).而我想要的wifi, qwerty鍵盤(virtual)都有了.gps就用藍芽解決了,反正不常用.另外,送一部藍芽耳機,暫用不到,因為舊的都有3部,是以前的貨辦.

總的來說,電話不錯,比之前送太太的Nokia 6220 classic還薄一點,但待機時間一般,也是用一日多一點.另有時想到,家中還有另外4部舊電話,是否真的需要這麼多呢?

想是時候上網賣一些了.

聖經問題之吾知點解-創世記1:1

創世記1:1 - 起初，神創造天地。

以前我會問,那誰創造神?這亦是我多年不信的原因.因為我當時覺得,成本聖經,第一句就出了問題.

其後,看了不同宗教,哲學和科學理據,個人認為,較合理的只有如下:

基督教: 神是第一因,是自行存在,沒有比衪更高的去創造衪.
佛教: 因果是一個循環,好像是一個圓圈,沒有那個是真正起點.
哲學和科學: 沒有第一因,因為如大爆炸理論,在大爆炸前,沒有時間存在,而引伸到沒有時間存在,就沒有因果關係,所以第一因不存在.

其實,我最初不是想信基督教.

但如佛教所言,因果是一個循環的話,那麼循環是誰維持呢?如輪迴,誰來掌管輪迴?這循環完全解釋不到現在的物質,是何時產生,就算是循環,物質也不可能無緣無故,由無變有.這兩點(誰掌管輪迴及無中生有)是我不相信佛教的部份原因.還有其他,以後有機會談到.

哲學和科學的話,沒有第一因,邏輯上算說得過去,但沒有時間的概念,是科學家自行define的,那若define錯了,那邏輯也錯了罷.另外,若沒有第一因,那起初大爆炸的物質那裡來?大爆炸由誰來點火,或者說能量從何而來?

當真的大爆炸了,宇宙形成了,地球也形成了,無生命物質又怎改變為有生命物質.有一著名的 Miller-Urey experiment,嘗試在實驗室精密監測下去合成胺基酸,但連蛋白質也做不出來,何來證明在地球形成時,自然界可以合成出蛋白質.

其實,就算有蛋白質,也不代表可以無來由地產生生命.若沒有最初生命形成不成立,談何進化.根本fundamental concept都錯了.

揀無可揀,以前揀不可知論,當自己不知.但911事件後想,人生存為何,重新認真想這問題而決定信基督教.

(至於為何不選天主教,猶太教,伊斯蘭教,這將是以後有時間再談).

2012年12月21日世界末日??好驚呀??

遲些有部電影,叫2012.在戲院的不日放映海報上看到.之後回家上網找trailer看.特技好像不錯.
http://www.whowillsurvive2012.com/

再看一下故事大綱.好像是什麼瑪雅人的末日預言,有個 planet x 星期會那時最接近地球,令地球磁場改變,而引致地球末日.

而網上有很多關於這末日預言,言之鑿鑿.真的有人信以為真?!

但問題是,若有這樣大行星,地球不是應該被吸了過去,撞在一起才對??而現在是2009年,理應探測得到吧?

其實,也沒有什麼好怕,有60多億人跟你一起,要死就死好了.

人比人,比死人- 如何提升自己???

有d人會覺得點解世界咁唔公平,自己又係會計師,人又係會計師,點解人賺咁多,打工做到咁好,而自己只係捱捱捱??人比人,比死人.

以前傻吓傻吓,market又幾好,所以冇認真唸呢個問題,幾年前自己開始攪生意,賺的比打工還少,但就領會了一些以前會計書本上沒有講的問題,因為看事物angle不同了.

以下純個人見解,唔同意唔好閙我:

不如先問自己幾個問題:

1. 點解人一定要揀你?你若是打工的,點解你老板一定要請你,欠你嗎?外面有hkicpa牌有兩萬幾人,仲未計其他會的.若是自己開firm的,點解你個客要搵你?執業的有三千幾人,唔通又係欠你的?

2. 點解你要幫某公司工作或接佢地個job?為咩?

3. D人點知你的存在?

4. 市場要D咩?

1. 有些人誤解以為考到個會計師牌好巴閉,其實外面通街都係,講衰D,點舊磚都扑死幾個.咁有好多,見到身邊同事個個都考完,不如讀番個Master之類啦,但係讀完又係升果d冇Master既.錢就用咗,但得到nothing.
其實,錯誤是你自己都唔知自己有咩unique,點解人一定要揀你.所以先諗一下,你精d咩,好過你讀咩Master.你若真的精於某一方面,而你的同事同你冇得fight,這就是你的unique selling point了.當然,若你是強於蛇王而沒有其他,那裁員唔揀你都奇.或者你開firm,出名你做job是平,靚,正,快,唔會搵唔到job.但點可以平,靚,正,快,這是後話.

2. 好多人打工只為錢,做job亦只為錢.表面睇冇問題,賺錢人之常情.唔通白做呀?冇錯,賺錢係啱,但不是唯一,也不是第一.
有好多人打工是求求其其,但係expect多多,以前在越南時的chief accountant就是其中例子,叫佢做野求其交貨,錯漏又多,錯了又頂咀.us$ 700想加到us$ 1000.大姊,你估你係老細,我要聽你?最後下場當然是被炒離場啦.先自己做番盤數,還好唔難.之後升咗個us$ 300做chief accountant.做得不知幾好.慳咗請多一個accountant俾新既chief 都係us$ 180 (剛大學畢業).仲有餘錢每月俾佢地進修.呢兩個姊姊仔都唔知幾開心.最攪笑係果個 us$ 180,之後結婚生仔,個仔用咗我個英文名.還好佢生仔時,我都離開咗兩年幾,唔係老婆以為有乜野添.
當時,若舊的chief accountant真係俾心機做,我唔介意升佢,反正之後公司有需要,要請多幾百人(因為建新工廠),但做唔好不特已,仲要求多多,自己跟自己前途作對.
要打工做得耐或keep客長久,先改變一下,先想怎去滿足老板或客戶需要,你的工作是幫助他們,若老板及公司賺錢,他們不會介意俾多你的.好似你幫公司賺多1000,要求100-200唔過份.會計幫公司賺錢的可能較少,所以唔好羨慕d sales點解可以賺咁多,因為佢地係搵生意.會計某些方面都可以幫公司賺多d(但比較indirect),好似有些project可以幫公司鍊緊d payment.公司投資方面,分析好d.公司借貸方面同銀行傾好d terms,另外,公司自身監管方面,緊d,唔好計錯成本,小心可以支出,諸如此類.
幫唔地公司,仲要求多多,實死.

3. 有d人以為自己有個牌,有個master,人地會搵上門.可能某些工作,獵頭公司真的會主動找你.但係而家market一般,除非你真的做正好正好正......既行業.
所以你最少要人知道你係存在,諗到某樣野,自然諗到你.
打工的話,有人選擇死咕咕默默做,而一些 high flyer 會同老板打好關係.老板揀人升時,會揀邊個?唔係教你擦鞋,若冇料,升上去都好快跌番落黎.
前一陣子,在獅城去某會的seminar,場中一個中年男人(不是講者),四圍social,收到他name card時才知他是某big 4 partner.所以人家積極,就partner,唔積極,等飯食,就冇渣拿.
有d人叫呢d叫networking,出黎做野,識多個朋友絕對有幫助.好似我內子,同我去獅城14年,全部工作都是朋友,舊同事介紹.傻傻的她,有幾多料點會唔知,但打工生涯暫比我好.(其實我以前的工,都已經唔差了.)

4. 最後, 你上面1,2,3都ok了,但工作都不理想.可能是你的經驗不是市場要的.會計行還好.有些原本做廠的engineer朋友,被裁以後,無論香港或北上都找不到工作.冇計,因為真的冇需求,那就唔想都要轉行了.
會計中,個人認為可以強化自己監管經驗(如compliance, internal audit, management accounting) 找工應該不錯.

以上純個人見解.劣作,錯漏難免,請諒.

btw,如有正在執業的網友(小型或個人執業)想找平靚正的拍擋合作,可以找我一談,看看合作機會.

每晚的食飯問題

仔仔咀叼,以前差多大每晚都要出街食飯.

試過兩年前在車上因為食什麼的問題,大發脾氣.將車後座的其中一塊食物的托板踢爛,當然要急停在highway講數.最後,又係要去食佢最愛的老麥,食nuggets.

忘記講他是學跆拳道,現在啡帶了(下次考啡黑帶了).當時,應該黃帶.

我就最怕食雞,但在獅城,唔食雞,少好多野食.因為宗教關係,伊斯蘭唔賣豬肉,印度唔賣牛肉,最neutral食雞囉.

後來,覺得次次為食野嘈唔係咁好噃.所以而家家中奉行了一個好悶但有效的方法.

拜一(獅城習慣叫拜幾,唔叫禮拜幾,或星期幾)

拜一: 三文治
拜二: 湯水及廣東菜
拜三: 快餐(通常老麥或KFC,慘)
拜四: 香港野(而家多咗D茶餐廳之類,或者廣東菜)
拜五: 日本野
拜六: 上午煮個粉或飯之類,晚上食Local野(有時食Thai food)
拜日: 去完church,就每人輪流揀食咩,每人一個禮拜.多數食buffet.晚上,因為下午食得太飽,通常食bread或者snack又一餐.

如是者,這遊戲玩咗差不多兩年,而仔仔再冇為食而發脾氣.

以後返了香港,唔知仲係咪咁呢?

前一陣子的死海古卷(The Dead Sea Scrolls)展覽

前兩星期看了死海古卷展覽


場地: Art House (新加坡)


古米索不達米亞陶泥文字(5000多年前)


死海古卷(碎片1)


死海古卷(碎片2)


死海古卷(碎片2)的放大圖


數百年前手抄本聖經


數百年前印刷聖經(展覽中保存較好).另外,很小巧及封面很精細.


這是天路歷程 (The Pilgrim's Progress),次於聖經的最暢銷宗教書籍.約翰本仁(John Bunyan)寫於1678年


上過太空的NASA微菲林(Micro film)聖經.前面是實物,約 2 x 2 吋,後面是放大圖.

展覽中的死海古卷只展示數片碎片,很失望.網上看到的是很完整的羊皮卷,但這次展覽看不到.

裡面還有很多古舊聖經,教會發展等歷史介紹.

慳粒糖,輸間廠-.請對人的重要性.

有些僱主對會計人員的資歷不求甚解,為了慳些微薪金,聘用一些不夠經驗的會計人員,結果很容易賠上公司.

話說多年前作內審時,有一子公司在計算貨品成本時嚴重出錯,主要是在運費攤分方面計算錯誤.(不詳細說明,因為長篇大論了.)而因為成本錯誤計算,產品售價也訂得太低,結果是負毛利也懵然不知.愈多賣時,公司虧損愈嚴重,可憐是子公司的controller,做了幾年,都不知道.當時,也有考量是否controller是故意如此,但發現是他上一手已計錯,而當時還有內審舊同事audit過.心想,放飛機也太離譜了吧.

內子在某銀行的核規部門工作,她也曾在銀行內審工作多年.最近,她公司新聘了ia,是某big4出身,但奇在這ia對銀行products也不清,在不清不楚下去audit.

舊同事米高的人生哲理很對,一班馬的老板,請人也是一班,差少少,二班三班的,他們一看可分辨出來.但是第七班的老板,請了第六班的都可以當寶.

而作為中間第四班的,找到五六七班的老板就好了,何苦攞苦來辛,硬要找至勁的老板呢?

奉勸各位老板,不清楚看人的,找專業的獵頭公司代勞,以免慳粒糖,輸間廠.

同仔仔講的Bedtime Stories - 01

仔仔11歲了,仲要每晚講故仔先瞓得著.

以下是其中一個即興故事.

係好耐好耐之前,有一個好靚仔,好有型既王子(我個仔每次當正係佢,你的若是女兒,咁自行改為好美麗的公主),因為佢係王子,又靚仔又好人,所以有好多女仔都好喜歡佢,而成日主動去親近佢.

王子到了成人時,佢個國王老豆安排佢定期與一些貴族女兒見面,希望他可以找到未來的王妃.

而好奇怪,王子每一次見到一個又肥又醜的貴族千金時,心跳就會不自覺加速.他覺得奇怪,就問國王點解會咁,國王就話,因為你心儀那貴族千金,王子被國王的話勸服了,雖有懷疑,但又不能解釋為何只是對這又肥又醜的貴族千金有心跳加速現像.

好快,王子和那肥胖的貴族千金結婚了,婚姻尚算美滿,除了每日看見肥王妃的那副尊容,有點吃不消.王子亦發現很奇怪地,他對這肥王妃在結婚後沒有了那種心跳加速感覺.

有一天,他對肥王妃坦白說出了他的感受.肥王妃聽後,垂下頭,向王子表白了,原來在婚前每次見面時,她都在王子的飲料中下了些加速心跳的藥,希望王子與她見面時有跟其他人不同的感覺,但婚後,她想到已經結婚了,也用不著加什麼藥了.

可憐的王子,聽後立即昏了過去......

------------------------------------------------------------------------------------------------
而我仔仔聽後,只是很嫌惡地長長"咦"一聲,就睡了.

難道我作的故事不好聽嗎?11歲,仲要每日一個bedtime story,係咁架勒.

喜歡的詩歌(嚴格講是類似流行曲的詩歌)

Lord I offer my life to you

(Verse 1)
All that I am, all that I have
I lay them down before you, oh Lord
All my regrets, all my acclaims
The joy and the pain, I'm making them yours

(Chorus)
Lord, I offer my life to you
Everything I've been through
Use it for your glory
Lord I offer my days to you
Lifting my praise to you
As a pleasing sacrifice
Lord I offer you my life

(Verse 2)
Things in the past, things yet unseen
Wishes and dreams that are yet to come true
All of my heart, all of my praise
My heart and my hands are lifted to you

(Chorus)
Lord, I offer my life to you
Everything I've been through
Use it for your glory
Lord I offer my days to you
Lifting my praise to you
As a pleasing sacrifice
Lord I offer you my life

(Bridge)
What can we give
That you have not given?
And what do we have
That is not already yours?
All we possess
Are these lives we're living
That's what we give to you, Lord

(Chorus)
Lord, I offer my life to you
Everything I've been through
Use it for your glory
Lord I offer my days to you
Lifting my praise to you
As a pleasing sacrifice
Lord I offer you my life

(Chorus)
Lord, I offer my life to you
Everything I've been through
Use it for your glory
Lord I offer my days to you
Lifting my praise to you
As a pleasing sacrifice
Lord I offer you my life
Lord I offer you my life

你管有得聽

重投執業算死草懷抱

眼見仔仔11歲了,還有兩年,就局住要以後在赤道小國服兵役(NS)了.

話晒同愛人都係算死草,點會俾個仔受無謂苦楚呢!

算一下,兩年NS代價不低.當你大學畢業,一個月賺 HK$ 15,000好了,另一年一個月Bonus好了(若做銀行,隨時有幾個月Bonus. 兩年的代價,不用屈指,簡單就是

HK$ 15,000 x 13 x 2 = HK$ 390,000

值得嗎?仔仔有得揀做港燦,點解要佢貼錢買難受??

所以等仔仔12歲,讀完小學,然後幫佢變番港燦,咪得囉.

所以我就先申請番同樂會個算死草牌.還好我係舊制,一轉成功.

不過而家要努力搵"痾突"工,唔係攞唔番執業算死草牌,就搵少好多.

做算死草的歲月

在算死草行頭大大話話都做了12年.

大話怕計數,
4年"痾突"
4年內部"痾突"
4年掌櫃算死草

咁就浪貴了美好人生12年.不過愛人是在"痾突"工作時遇番的舊同學,所以略有所得啦.

12年了,由"阿蘇"算死草變咗"肥佬"算死草.

坦白講,最好玩係內部"痾突"4年.雖然唔多鍾意祖國,但4年暢遊祖國名川,都不枉此生.4年遊歷,有跟祖國同胞一起食大鑊飯(隻鑊真係好大,因為要煮成千人飯),5星酒店又歎過,長城,兵馬俑,上海灘都見識了.難忘一次在颱風(3號風球)時,降落舊啟德機埸不成(係見到跑道咁近都落唔到),被逼飛去澳門,停了三小時.第一次聽到全機在飛機降落不成,急速上升時的淒厲尖叫.還好當時沒有抄機,唔係今日寫唔到呢段blog.

乜唔係寫做算死草的歲月咩!?坦白講,講debit,credit你有興趣聽嗎?

傻更更信咗教?

係"北漏洞拉"之國時,在9月12日,袋鼠國老頂"咸美鈍"同我講花旗國世貿大廈俾飛機撞冧咗.食緊早餐,仲係睡眼惺忪的我,都唔留意佢講咩.因為"咸美鈍"人如其名,一係講咸野,一係做低能遲鈍野.(不過個人都幾好).

等睇到電視,原來咁大鑊.個心好唔舒服.當時正常既我,係唔應該會咁,因為離天萬丈遠,關我咩事噃.但係個心由果時起想快d返淡馬錫,因為唔放心老婆同個仔.

終於又過了9個月,成功辭工返屋企了.因為辭了兩次工,阿"咸美鈍"都話唔好走,而另外有個好朋友同事米高都勸我唔好走,拖拖拉拉就9個月.

返到赤道小國,愛人話有同事叫佢去church,傻吓傻吓話咪去囉,咁就去咗,洗咗腦(阿媽最初咁話我).最後受埋洗.

坦白講,真係咁蠢俾人洗腦咩,話晒我係讀基校出身,以前唔基,而家基,開玩笑好了.

查實係911事件令我諗起做人為乜,一架飛機,可以令你辛苦build up既毀於一旦.人唔可以control到的,唯有尋求俾人更高level的.有人尋求宗教,有人尋求哲學.

而我在打開心房時,看到唯有基督教中有愛.(若有非基督徒看到,我明你不一定認同.我未信時,也是反基,明白你諗乜?好似神若愛人,點解令人受苦,點解人有不幸,點解..... Anyway, 我不打算說服你認同我的看法,所以不用email我.)

所以就係咁信咗教(其實係信咗耶穌).

吾是誰? Who am I?

吾係

• 我老婆個Honey.
• 我仔仔個玩伴.
• 我阿爸阿媽個孝順仔.
• 我外父外母個好女婿.
• 我家姐阿哥個好細佬.
• 我細妹個好大佬.

專業算死草一名.

最成功係娶咗個舊同學傻妹(而家老咗,變成傻婆),唔介意我有專業算死草唔做,去做電車男.好在老婆都係算死草,暫時未去到金融風暴(危機當然有dd啦!)

95年人走我又走,學人移民,去了赤道小國,(香港的死對頭).人云亦云,唔鍾意偉大祖國.最後為五斗米咪又係要遊走神州.而家仲要係生意上靠祖國幫忙.

00年在利誘下到了"北漏洞拉"之國,"捱"了19個月五星service apartment,公司車,司機,每月一程機票返淡馬錫.晒命?係有少少.

3張幾時中年危機,學人創業,創出了一個雞肋生意,唔生唔死,唔湯唔水,轉眼7年.4張幾,可說人到中年,一事無成.

有車有樓,車供緊,樓就蝕到扒.所以第日有人同你講有車有樓就好,擺明呃你.

03年同老婆同一日在赤道小國受"死"(浸禮代表死了舊人,而成了重新的人),上水時真係俾水濁親,但未至於死.只係差d笑死周圍d弟兄姊妹.

來個半生review,懶醒豬頭炳是也.

By the way, 我係Kent.多多指教!